Сериозно посветени на луѓето.

Ивана не е само врвен експерт со непроценливо знаење во областа на човечките ресурси, туку таа е човек кој отвора нови видици, препреките умешно ги преобразува во можности и секогаш јасно и многу прецизно ја препознава големата слика. Во навидум незначајните „мали споредни нешта“ открива нови можности, кои придонесуваат за значајно менување на перформансите кај вработените и поефикасно функционирање на процесите. Со голема прецизност дефинира организациска структура која е темел за поефективно работење и усогласување на процесите и процедурите.

Соработката со Ивана Дојчиновска е непроценлива кога се соочуваме со големи стратешки одлуки. Таа е мојот клучен спаринг партнер за теми како организациска структура и развој на HR политики. Нејзината темелност и експертиза се огромна поддршка не само за мене, туку и за целиот стратешки и HR тим во Brainster.
Нејзиниот пристап е секогаш темелен и теоретски поткован, што за мене претставува огромна дополнителна вредност.

Ивана со својата експертиза, аналитички пристап и внимателно согледување на состојбите во организацијата, ни помогна не само да ги идентификуваме постојните слабости туку и да воспоставиме поефикасни и поодржливи решенија кои директно влијаат на процесите и на работната клима. Најмногу ни се допадна нејзиниот струкруиран, темелен и професионален пристап, комбиниран со способноста реално да ги согледа потребите на организацијата и тимот.

Со целосна сигурност можам да кажам дека Ивана Дојчиновска е еден од најдобрите професионалци со кои сме имале можност да соработуваме.
Нејзината комбинација од креативност и точност ја прави непроценлив партнер. Без размислување би ја препорачала на секого што бара сигурен успех

Ивана е повеќе од експерт за човечки ресурси и кариерно советување – таа е водич, инспирација и мотиватор. Со своето знаење, искуство и искреност остава трајна трага кај луѓето.
Со неа секој предизвик станува можност за раст, а секоја препрека – чекор кон нова и посилна верзија од себе.

Со својата експертиза и искусен пристап, Ивана покажа исклучително разбирање за културата и целите на нашата компанија. Нејзиниот придонес беше клучен во воспоставувањето на секторот за Човечки ресурси, како и во организирањето и спроведувањето на обуки и менторирање на тимовите.
Особено сме благодарни за нејзината посветеност и соработка и со задоволство продолжуваме да работиме заедно на унапредување на процесите и развојот на нашите луѓе.

Соработката со Ивана значително придонесе во нашиот процес на трансформација. Таа донесе јасност, структура и енергија кои им помогнаа на нашите тимови полесно да се прилагодат на промените. Ја гледаме вредноста што таа ја создаде и ефектите од обуката во подлабока поврзаност и посилна кохезија во нашите тимови.